PBB mania!

 

             

     Pamu, ang Kiti kiti kid ng Batangas       

                

Nickname: Pamu  

Name: Annielie Gerez Pamorada 

Birthplace: Lipa, Batangas 

Age: 19 years old 

Birthdate: August 1, 1992 

Hobbies: eating and singing 

Favorite Food: sinigangFavorite Show: Kristin, Tayong Dalawa, Mula sa Puso, Rosalka, Glee, Korean telenovelasFavorite Actress:Anne Curtis, Dimples Romana, Kaye Abad, Maricar Reyes, Jodi Sta. Maria 

Favorite Singer:Chris Brown, Nicki Minaj, LeeAnn Rimes, Mary J. Blige, Sarah Geronimo

Si Pamu, isang self-proclaimed “lukring”, ay isang proud promdi mula sa Batangas. Pangalawa sa tatlong magkakapatid, aminado si Pamu na mami-miss nya ang kanyang buong pamilya sa kanyang pagpasok sa Bahay ni Kuya, pati na rin ang kanyang mga kaibigan, lalo na ang kanilang paglabas para mag-“party”. Mahilig si Pamu makinig sa R&B music, kasama na ang mga kanta ng kanyang mga paboritong sina Chris Brown, Nicki Minaj at Mary J. Blige. Sa katunayan, madalas syang nagpapatugtog para siya ay makatulog.

Kampante si Pamu na madali niyang makakasundo ang kanyang mga housemate dahil sanay siyang makisama sa lahat ng klase ng tao. “Wala rin siyang uurungan sa mga hamon ni Kuya, maliban na lamang kung pakakainin siya ng exotic food o ang kanyang pinaka-ayaw na gulay, ang ampalaya. Kaya ring pakisamahan ni Pamu ang lahat ng kanyang mga magiging housemate, “makakasundo ko yung mga ka-level ko lang, probinsyano, bakla, foreign kahit hindi ako magaling mag-Ingles.”

Maagang nawalan ng ama na naging dahilan ng pakikipagsapalaran ng kanyang ina sa Dubai, si Pamu ay lumaki sa piling ng kanyang lolo’t lola at mga pinsan sa probinsya ng Batangas. Bagamat hindi lumaki sa piling ng kanyang ina, hindi ito naging hadlang kay Pamu upang lubusin ang kanyang buhay. Idinaan ni Pamu ang mga naging pagsubok sa kanyang buhay sa pagiging masayahin at madiskarte sa lahat ng bagay. Game sa lahat ng lakaran kasama ang kaniyang mga kaibigan kahit salat sa pera, bumabawi naman si Pamu sa pagiging galante sa kwentuhan.

Ilang beses mang napagkamalang tomboy dahil sa gaslaw niyang kumilos, aminado si Pamu na siya ay nagkaroon na ng dalawang boyfriend. Isang makulay na personalidad na may kasing-kulay na buhay, abangan ang sayang idudulot ni Pamu sa kanyang pamamalagi sa loob ng Bahay ni Kuya.